og vel
Samnevni fyri regn, kava og hegling, loysningur, úrgonga, avfall og mjørki; nú hevði hann loyst avfallið, t.e., at farið var at regna ella kava.
Legg inn Veður.fo sum app.
Veðurorð
Avfall
Áarføri
Stórur áarvøkstur í nógvum regni, vatnføri. Sera nógv regn, grimdarregn, áarstoytingur, grovregn, bermiligregn, áarføri í regni.
Áarstoytingur
Áarføri.
Ádrigið
Spjødd skýggj á luftini, ádrigið og dragregn; sí draga á luftina (Sprotin).
Bermiligregn
Áarføri, grimdarregn, oysregn.
Blotkavi
Kavi sum blot er komið í, krapi (Suð.)
Broddaæl
Broddatjúkn
Broddatjúkn
Tjúkn, ið kemur, tá ið fullbroddað er, tá ið rákið er harðast, broddælingur, broddaæl.
Dalamjørki
Samheiti fyri Pollamjørka
Dalamjørki yvir Viðareiði 5. juli 2008. Eitt lítið lot var av landsynningi, minni enn 3 m/s.
Degningsæl
Eitt æl í degninginum – t.e. í lýsingini, móts. skýmingaræl, so setti hann degningsælið inn úr havinum.
Dism
Fínt regn, sirm (gl.)
Doði
Fínt tám, doðin liggur á landi; sólin slapp ikki framat fyri doðanum; ein sovorðin doði á luftini (grómut). Fínir døggdropar t.d. á klæðum, doðin lá á kotinum.
Ervamjørki
Mjørki í fjøllunum.
Eystan
Eystan er ein heilætt og ein av høvuðsættunum. Tá ið ættin er eystan, kemur vindurin av eystri (og fer í vestan).
Vindur kemur av eystri og fer vestureftir ímóti miðjuni á kumpassini.
Fannakavi
Kavi sum liggur í fonnum.
Fjallamjørki
Mjørki á fjøllum, toppamjørki
Flóðaræl
Sera grovt æl, eitt flóðaræl kom, og alt blotnaði upp.
Flókaskýggj
Skýflóki, sum hevur rivið seg leysan úr skýbólki.
Glopraregn
Nógv regn, áarføri
Hálvætt
Ætt millum heilættirnar. Hálvættirnar eru landnyrðingur, útnyrðingur, landsynningur og útsynningur.
Jarðkavi
Kavi, sum liggur leingi og harðnar.
Kavaflykra
Einstøk flykra av kava, snjóflykra, kavaflykrurnar vóru vorðnar til hegling.
Lágætt
Ættirnar millum landsynning og útsynning.
Lágættirnar eru vanliga góðar á Viðareiði. Lágættirnar eru vanliga ikki góðar í Leirvík.
Menningaræl
Æl sum mennir upp undir ættina sum er, æl sum ikki verður til óterra, hatta er eitt menningaræl, hatta er ikki at rokna við.
Netjuskýggj
Skýggj líkt netju á seyði.
Oysregn
Sera nógv regn, sturtningur, grimdarregn, glopraregn, áarføri, í oysregni og stormi
Ódnarregn
Ógvisligt regn, glopraregn, í fjøruti samdøgur helt ódnarregnið við.
Pólalýsi
Felagsheiti fyri norðlýsi og suðurlýsi.
Regn
Væta, ið fellur til jarðar í dropum, drav, omanvatn, loysa við regni el. loysa regnið, fara at regna av grimd; hann loysti við regni; hann loysti regnið, tá ið flóðin kom; regnið díkti á vindeygað; blásti tú regn í hoyna, so vart tú ikki keisarans vinur (í látipípu); mýrisnípan letur fyri regni (boðar frá avfalli); sms. t.d. driv-, døglings-, glopra-, grimdar-, grinda-, gull-, lý-, mjørka-, oys-, ódnar-, sam-, vár-
Samdrigið
Tá ið skýggja fjala alt loftið, eign sól sæst stava niðurígjøgnum.
Samdrigið. Skýggini fjala allan himmalin, einki hol er uppígjøgnum oman fyri Klaksvík.
Javnt skýggjutur himmal, skýtungur, tjúkkur, bundin, samdrigin luft.
Samdrigið loft er tað sama sum skýggjað loft. (Fisher Heinesen)
Tám
Kám og mjørkakend luft, fín toka (serst. í havsbrúnni), doði, dumb, hím, hjóm, kóv, tað var eitt gul av vestri við tjúkkum támi; lætt tám hekk bláligt og fínt um teir hægstu fjallatindarnar; alt var sum eitt tám fyri eygunum á honum; (tilt.) tað kemur aftur í sama támið (sama ólagið)
Útnyrðingur
Útnyrðingur er hálvætt og ein av høvuðsættunum. Tá ið ættin er útnyrðingur, kemur vindurin av útnyrðingi (og fer í landsynning).
Vindur kemur av útnyrðingi og fer í útsynning ímóti miðjuni á kumpassini.
Várregn
Regn um várið (bíbl.)
Æl
Avfall sum stendur stutt, skúrur, frekt æl; grumt æl; ringt æl; hann setur eitt æl ella grundar fyri einum æli, hann dregur á luftina (fyri æli);* hann setti eitt æl fyri norðan*; hava mangt ælið køvt (havt manga ringa útiferð); betri er kalt æl á vári enn einki (kavaæl); fara ælanna millum (so stutt at fara til gongu); sms. t.d. brodda-, degnings-, flóðar-, grimdar-, heglings-, kava(roks)-, lýsingar-, menningar-, mjørka-, rennikava-, skarnings-, skýmingar-, toru-