Sjálvvirkandi forsagnir fyri havleiðirnar

Á summri 2025 yvirtók Veðurstova Føroya ábyrgdina fyri at gera forsagnir fyri havleiðirnar frá DMI. Í samband við hetta, hevur verið ment ein sjálvirkandi telduskipan ið kundi vera til hjálpar hjá  veðurfrøðingunum á vakt. Hendan skipan varð slept í versión 1 í september 2025.

Skipanin ger forsagnir og sendir um neyðugt ávaringar fyri tær 4 havleiðirnar ið fella inn yvir ábyrgdarøkið hjá Veðurstovu Føroya: Ytrabanka, Munkagrunnin, Fugloyarbanka og Íslandsryggin.

Síðani sleppingini av versión 1 hevur verið arbeitt við at víðarimenna hesa skipanina. Hetta hevur verið gjørt við royndarkoyringum, sparring innanhýsis, og sparring við aðrar partar, eitt nú MRCC. Og nú komið so langt at versión 2 verður mett at vera rættuliga búgvin. Í skrivandi løtu er versión 2.35 í drift, meðan versión 2.36-2.39 vera royndarkoyrdar.

Skipanin heintar 4 ferð um samdøgrið niður nýggjastu modeldata frá DMI frá DINI modellinum, og ger út frá hesum data eina forsøgn fyri havleiðirnar, ið verður send eitt nú MRCC. Vakthavandi veðurfrøðingur skrivar eisini eina forsøgn ið verður send, men um náttina tá veðurfrøðingur ikki er á vakt sendir sjálvirkandi skipanin tá eisini eina forsøgn. Um veðurlíkindi broytast knappliga um náttina - eitt nú á vetrartíð - so kann skipanin lofta hesum og senda ávaringar, hóast veðurfrøðingur ikki er á vakt.

Skipanin um hvussu Veðurstovan og MRCC at liva upp til WMO krøvini til havforsagnir (coastal forecast). WMO krøvini siga, at ávaringar skulu sendast sendast út beinanvegin tær eru tøkar og at forsagnir skulu sendast út í minsta lagi tvær ferð um samdøgrið.

Royndirnar av skipanini hava verið rættuliga góðar og hevur skipanin verið ein góð hjálp at bøta um trygdina á sjónum. Hóast hetta so eru støður ið skipanin ikki heilt loftar enn. Tí er fyrireikingararbeiðið til versión 3 í løtuni í gongd.

Støða: Verkætlanin er í gongd, versión 3.

Avrik:

• Versiónir: 1, 2
• Frágreiðing(ar):     Fyribils bert innanhýsis í verkætlanini.
• Vísindauppslag:
• Framløga: 
• Fjølmiðlan (Greinar): 

Áramál: 2025 - 

Ábyrgd á Veðurstovuni: Jari í Hjøllum

Onnur á Veðurstovuni: Andrias Klein Gregoriussen, Djóni F. Strømsten, Bárður A. Niclasen Hanus Kjølbro