Stór broyting í veðrinum í vikuskiftinum

Á hesari fylgissveinamyndini sæst skýøkið vestan fyri Føroyar og bert frostrípur eftir flogførum oman- og norðanfyri Føroyar. Kelda: Ninjo/Dmi

Tað byrjaði fyri nørkum døgum síðan við gráligum veðri, skýggjað og mjørki í støðum, men í dag er klárt kring alt landið, á myndum, tiknar úr fylgisveinum, síggjast eingi skýggj, bert frostrípur eftir flogførum langt uppi. 

Teir næstu dagarnar fer hátrýstið vestureftir og fer at leggja seg við Eysturgrønland. Hetta merkir, at vit fara at fáa eitt kaldari luftrák ímóti Føroyum av útnyrðingi og norði. 

Leygarkvøldið fer hátrýstið at liggja við Eysturgrønland, meðan køld luft fer at streyma ímóti Føroyum av útnyrðingi.

Í forsøgnini fyri vikuskiftið sæst ælaveður við bæði regni og vátakava, og hitin fer niður ímóti frostmarkinum.

Tað kalda veðrið fer sambært forsøgnunum at halda fram inn í næstu viku, men tíbetur verður ikki nógvur vindur ella serliga nógv kavaæl.