Regn fer framvið um vikuskiftið

Eftir at eitt hátrýst hevur ligið um okkara leiðir síðani byrjanina av hesum mánaðinum, fáa vit í Føroyum vitjan av einum brúgvalagi vestaneftir sunnunáttina. Støðan broytist tó skjótt aftur, tí eitt nýtt hátrýst fer at mennast og liggja tætt við Føroyar dagarnar, ið koma aftaná.

Images

Regnið kemur vestanífrá, og seinnapartin í morgin kann tað fara at sirma í støðum. Í annaðkvøld verður væntandi regn um alt landið til og við sunnunáttina. Sunnumorgun slítur í, og sum frá líður fer tað væntandi at klárna av útnyrðingi. Meginpartin av sunnudegnum eru tískil góð líkindir fyri sól í teimum flestu støðunum í Føroyum.

Regn passerer i weekenden.pngECMWF-modellið fyri sunnudagin, 11. Juni 2023 kl 18 utc. Brúgvalagið er farið fram við okkum og fer eystureftir, ímeðan eitt hátrýst sunnan fyri Ísland mennist. Kelda: DMI, ECMWF-modellið

Hátrýstið, sum aftur fer at leggja seg beint sunnan fyri Ísland, fer eftirfylgjandi at hava sína ávirkan á veðrið um okkara leiðir. Vit kunnu tískil vænta okkum støðugt veður í komandi viku við lítlum vindi og sól. Tó sleppa vit ikki heilt undan skýggjum, og í støðum kann veðrið til tíðir vera támut við mjørka ella sirmi.

Jeanne Mangerel, veðurfrøðingur, Veðurstova Føroya

Onnur tíðindi

Vís øll tíðindi
Kuldabrúgv 1 Sept 16 2.Png

Samanrunnið brúgvalag vestanfyri

Í Føroyum er tað ikki líka lætt og ofta, at vit síggja hita- ella kuldabrúgvar nærkast, tí annaðhvørt er loftið skýggjað ella samdrigið, og so sæst einki longur uppi, ella eru fjøllini fyri.

Men viðhvørt er sýnið gott, og vit síggja líka væl sum tey gera í t.d. Danmark.
Carsten1

Eitt lítið lot av landnyrðingi

Stilt og kølið kring landið í morgun
 IMG 2821

Góðveðursmyndir úr Eysturgrønlandi

Gott veður á leiðini í Eysturgrønlandi.
 Billede0326

Óstøðug luft

Í nakrar dagar hava vit havt høgætt. Luft av leiðini Norðureysturgrønland og Svalbard hevur streymað ímóti Føroyum.
Melda til bráfeingisboð
Melda til tíðindabræv