Leygardagur 10. oktober 2026

Forsøgn galdandi til á middegi í morgin, skrivað klokkan 12 fø. summartíð (kl. 11:00 UTC)

Lítið lot av landnyrðingi, minni enn 5 m/s, sólglottar og yvirhøvur turt. Í kvøld hækkar hann upp í norðan, smáskýggjað og turt. Hitin í dag 5 til 10 stig; í nátt úr 2 stigum upp í 6 stig.

Leygardagur 10. oktober 2026, skrivað kl. 11:20 (10:20 UTC).

Eitt lágtrýst grynnist yvir Vesturnoregi í dag, og kølin luft rekur ímóti Føroyum av landnyrðingi og norði. í nátt leggur ein hátrýstryggur seg yvir okkara leiðir við lítlum loti av ymsum ættum. Mánanáttina fer eitt lágtrýst at dýpast eystan fyri Kappan. Tað trokar hátrýstryggin eystureftir, og lýggjari luft fer at reka ímóti Føroyum sunnaneftir. Mánadagin fer eitt brúgvalag við regni framvið eystureftir. Týsdagin dýpist eitt annað lágtrýst yvir havleiðini langt vestanfyri og fer at ganga í landnyrðing. Tað hevur við sær eitt luftrák við ælaveðri týsdagin og mikunáttina. Mikudagin fer lágtrýstið eysturum millum Føroyar og Ísland og fer at hava nógv regn og nógvan vind – storm ella meir – við sær av útsynningi mikukvøldið og hósnáttina. Hósdagin er lágtrýstið farið langt norðurum, og kaldari luft fer at reka ímóti Føroyum av útnyrðingi.

Forsøgn galdandi til sunnumorgunin

Lítið lot av landnyrðingi, minni enn 5 m/s, sólglottar og yvirhøvur turt. Í kvøld hækkar hann upp í norðan, smáskýggjað og turt. Hitin í dag 5 til 10 stig; í nátt úr 2 stigum upp í 6 stig. 

Sunnudagin

Lítið lot norðan, minni enn 5 m/s, skiftandi skýloft og yvirhøvur turt. Um kvøldið veksandi vindur av landsynningi, upp í frískt lot til frískan vind, 5 til 10 m/s, samdrigið og yvirhøvur turt. Um náttina frískur vindur upp í strúk av landsynningi, 8 til 13 m/s, skýggjað og turt, men fram móti morgni fer at regna. Hitin 4 til 9 stig.

Mánadagin

Frískur vindur upp í strúk av landsynningi, 8 til 13 m/s, samdrigið og regn. Seinnapartin og um kvøldið lot til frískt lot sunnan og av útsynningi, 3 til 8 m/s, skýggjað og ælaveður. Um náttina samdrigið og regn, og fram í móti morgni veksur vindurin upp í frískan vind upp í hvassan vind, 10 til 15 m/s. Hitin 6 til 11 stig.

Týsdagin

Frískur vindur upp í strúk av útsynningi, 8 til 13 m/s, smáskýggjað og yvirhøvur turt. Seinnapartin minkar vindurin niður í frískt lot til frískan vind, 5 til 10 m/s, men um kvøldið veksur hann aftur upp í strúk, 13 m/s, sum frá líður samdrigið og regn. Um náttina lækkar hann niður í sunnan. Hitin 7 til 12 stig.

Mikudagin

Veksandi vindur fyrrapartin sunnaneftir upp í hvassan vind ella skrið, 15 til 20 m/s, samdrigið og regn. Um náttina gongur hann vesturum til útsynning, samdrigið og ælaveður. Hitin 7 til 10 stig.

Hósdagin

Strúkur í vindi upp í skrið av útsynningi, 13 til 18 m/s, samdrigið og ælaveður. Seinnapartin gongur hann upp í vestan og minkar vindin so við og við niður í lot til frískt lot, 3 til 8 m/s, hálvskýggjað og turt. Hitin 5 til 10 stig.   

Leygardagur 10. oktober 2026

Forsøgn galdandi fram til á middegi sunnudagin, skrivað klokkan 08:45 (07:45 UTC)

Vindávaring er fyri Ytrabanka og Íslandsryggin

Eitt lágtrýst, 999 hPa, grynnist yvir Vesturnoregi, og kølin luft rekur ímóti Føroyum av ymsum ættum, seinni av landnyrðingi og norði.

Ytribanki

Útnyrðing 10 til 15 m/s. Í kvøld útnyrðingur 3 til 8 m/s. Í nátt av ymsum ættum minni enn 5 m/s. Gott sýni.

Munkagrunnur

Útnyrðingur 8 til 13 m/s. Seinnapartin landnyrðingur 3 til 8 m/s. Í kvøld norðan 5 til 10 m/s. Gott sýni.

Fugloyarbanki

Landnyrðingur 3 til 8 m/s. Í kvøld og frameftir norðan 5 til 10 m/s. Gott sýni.

Íslandsryggur

Norðan 10 til 15 m/s. Seinnapartin norðan 8 til 13 m/s. Í kvøld norðan 3 til 8 m/s. Í nátt av ymsum ættum minni enn 5 m/s. Gott sýni.