Mánadagur 21. september 2026

Forsøgn galdandi til týskvøldið kl. 18, skrivað kl. 16:20 (15:20 UTC).

Frískur vindur upp í strúk av útsynningi, 8 til 13 m/s, samdrigið og eitt skifti í kvøld íslit, tó driv ella okkurt ælið í støðum. Seint í kvøld og í nátt fer aftur at regna. Fyrrapartin og seinnapartin í morgin frískur vindur upp í hvassan vind av útsynningi, 10 til 15 m/s, smá- ella hálvskýggjað við sólglottum, men eisini okkurt einstakt ælið. Hitin 9 til 14 stig, men í støðum norðanfyri 16 stig.

Mánadagur 21. september 2026, skrivað kl. 12:00 (11:00 UTC).

Eitt lágtrýst eystan fyri Kappan fer í tvey, annar parturin stendur nærum í stað meðan hin parturin ferðast í landnyrðing. Eitt brúgvalag haðani er yvir Føroyum, ið hevur við sær regn og landsynningsvind. Tá brúgvalagið er farið framvið, fáa vit útsynningsvind í nakrar dagar; í nátt við regni, annars bert okkurt ælið í morgin og í ovurmorgin. Eitt annað lágtrýst tætt við Nýfundland ferðast samstundis í landnyrðing móti Íslandi meðan tað dýpist skjótt. Brúgvalag haðani við vindi og regni væntast yvir Føroyum hósdagin og fríggjadagin.

Forsøgn galdandi til týsmorgunin

Frískur vindur upp í hvassan vind av landsynningi, 10 til 15 m/s, í støðum 17 m/s, samdrigið og regn. Út á seinnapartin gongur hann vesturum til útsynning og minkar vindin niður í frískan vind ella strúk, 8 til 13 m/s, samdrigið og sum frá líður slítur í, tó okkurt æl ella driv í støðum. Seint í kvøld og í nátt fer aftur at regna. Hitin 9 til 13 stig.

Týsdagin

Fyrrapartin og seinnapartin frískur vindur upp í hvassan vind av útsynningi, 10 til 15 m/s, smá- ella hálvskýggjað við sólglottum, men eisini okkurt einstakt ælið. Um kvøldið frískur vindur upp í strúk av útsynningi, 8 til 13 m/s, og um náttina í frískt lot til frískan vind av útsynningi, 5 til 10 m/s, framvegis smá- ella hálvskýggjað og okkurt einstakt ælið. Hitin 8 til 12 stig.

Mikudagin

Lot til frískt lot av útsynningi, 3 til 8 m/s, smá- ella hálvskýggjað við sólglottum, men eisini okkurt ælið. Um náttina dregur á luftina, men yvirhøvur turt. Hitin 7 til 11 stig.

Hósdagin

Um morgunin frískt lot til frískan vind sunnan, 5 til 10 m/s, samdrigið og yvirhøvur turt. Sum líður út á dagin veksur hann vindin upp í hvassan vind ella skrið av landsynningi, 15 til 20 m/s, samdrigið og regn. Út á kvøldið gongur hann vesturum til strúkur í vindi upp í skrið av útsynningi, 13 til 18 m/s, hálvskýggjað og okkurt ælið. Hitin 8 til 12 stig.

Fríggjadagin

Strúkur í vindi upp í skrið av útsynningi, 13 til 18 m/s, sum seinni út á dagin minkar niður í frískan vind ella strúk av útsynningi, 8 til 13 m/s, og um náttina niður í frískt lot til frískan vind av útsynningi, 5 til 10 m/s. Hálvskýggjað og stundum regn ella ælaveður. Hitin 7 til 11 stig.

Leygardagin

Frískur vindur upp í strúk av útsynningi, 8 til 13 m/s, smá- ella hálvskýggjað og stundum eitt sindur av regni ella okkurt ælið. Hitin 7 til 11 stig.

Mánadagur 21. september 2026

Forsagnir galdandi til týskvøldið kl. 18 UTC, skrivað kl. 14:00 UTC.

Tað er vindávaring fyri Ytrabanka, Fugloyarvanka og Íslandsryggin.

Eitt lágtrýst, 982 hPa, yvir Irmingerhavinum fer í tvey; annar parturin stendur nærum í stað meðan hin parturin ferðast í landnyrðing yvir Grønlandsfjørðin. Hetta hevur við sær eitt slavið vindrák av útsynningi, stundum við regni og ælaveðri. Sum líður út á kvøldið og náttina verður vindrákið minni slavið, fyrst vestanfyri.

Ytribanki

Í kvøld útsynningur 8 til 13 m/s. Í nátt útsynningur 10 til 15 m/s. Í morgin árini og fyrrapartin í morgin útsynningur 12 til 17 m/s. Seinnapartin í morgin útsynningur 10 til 15 m/s. Í kvøld heilt vánaligt sýni; í nátt og frameftir toluligt ella gott sýni.

Munkagrunnur

Útsynningur 8 til 13 m/s. Í kvøld og í nátt heilt vánaligt sýni; í morgin gott sýni.

Fugloyarbanki

Útsynningur 9 til 14 m/s. Í kvøld og í nátt heilt vánaligt sýni; í morgin gott sýni.

Íslandsryggur

Í kvøld útsynningur 8 til 13 m/s. Heilt vánaligt sýni. Í nátt og frameftir útsynningur 13 til 18 m/s. Gott ella toluligt sýni.