Sunnudagur 8. november 2026

Forsøgn galdandi til mánakvøldið, skrivað klokkan 15:45 UTC

Lot til frískt lot av útsynningi, 3 til 8 m/s, skiftandi skýloft og okkurt æl.
Í nátt sum frá líður ælaveður og hann gongur upp í vestan.
Fyrrapartin í morgin lot til frískt lot vestan, 3 til 8 m/s, skiftandi skýloft, eitt skifti yvirhøvur turt, men út seinnapartin dregur á luftina og sum frá líður ælaveður ella regn.
Hitin 6 til 9 stig, í nátt niður í 3 stig.

Sunnudagur 8. november 2026, skrivað kl 11:23 UTC.

Eitt hátrýstryggur, ið røkkur úr Irmingarhavinum og um Skotland suður í Evropa, liggur í útsynning úr Føroyum og beinir eitt veikt rák av útsynningi móti Føroyum í dag og í morgin. Eitt lágtrýst við Jan Mayen gongur í eystan móti Barentshavinum. Eitt brúgvalag við regni haðani verður yvir Føroyum seinnapartin mánadagin, og aftaná verður eitt kalt rák norðaneftir. Týsdagin fer eitt lágtrýst, sum mennist í Íslandshavinum, at ganga í landsynning skamt eystan fyri Føroyar móti Suðurskandinavia, meðan tað dýpist. Hetta hevur við sær høgættarveður við vindi og kava frá mikudegnum. Hóskvøldið nærkast eitt hátrýst vestaneftir, sum hevur eitt veikt vestanrák við sær fyrrapartin fríggjadagin, men út á dagin nærkast eitt brúgvalag við regni og vindi vestaneftir frá enn einum lágtrýsti norðan úr Íslandshavinum.

Forsøgn galdandi til mánamorgunin

Lot til frískt lot av útsynningi, 3 til 8 m/s. Skiftandi skýloft og okkurt æl. Í nátt tættari millum ælini. Hitin 3 til 8 stig.

Mánadagin

Lot til frískt lot av útsynningi, sum líður út á fyrrapartin vestan, 3 til 8 m/s, skiftandi skýloft og okkurt æl. Um kvøldið framvegis lot til frískt lot, men hann gongur upp í norðan, 3 til 8 m/s, samdrigið og regn ella ælaveður. Hitin 5 til 10 stig.

Týsdagin

Lot til frískt lot av landnyrðingi, 3 til 8 m/s, skýggjað og okkurt æl. Út á dagin minkar til lítið lot av ymsum ættum, minni enn 5 m/s, hálvskýggjað og yvirhøvur turt. Seint á kvøldið veksur til frískt lot til frískan vind vestan, og út á náttina hækkar hann up í útnyrðing, 5 til 10 m/s, skýggjað og yvirhøvur turt. Hitin 3 til 7 stig, um náttina niður móti frostmarkinum.

Mikudagin

Fyrrapartin veksur vindurin til frískan vind upp í hvassan vind av útnyrðingi, 10 til 15 m/s, hálvskýggjað, sólglottar, og ælaveður, sum frá líður eisini kavaavfall. Hitin úr frostmarkinum upp í 6 stig.

Hósdagin

Frískur vindur upp í hvassan vind av útnyrðingi, 10 til 15 m/s, hálvskýggjað og og okkurt æl, møguliga við kava. Hitin úr frostmarkinum upp í 5 stig.

Fríggjadagin

Frískur vindur upp í hvassan vind vestan, 10 til 15 m/s, skýggjað og ælaveður ella regn. Hitin 3 til 8 stig.

Sunnudagur 8. november 2026

Forsøgn galdandi til mánakvøldið kl 18:00 UTC, skrivað klokkan 15:45 UTC.

Ein hátrýstryggur, um 1018 hPa, sum røkkur úr Irmingarhavinum, umvegis Skotland suður í Evropa, liggur í útsynning úr Føroyum og beinir eitt veikt rák av útsynningi móti havleiðunum. Eitt lágtrýst, 989 hPa við Jan Mayen gongur í eystan móti Barentshavinum. Eitt brúgvalag haðani við regni verður yvir norðaru havleiðunum seinnapartin mánadagin, og síðani verður eitt kalt rák norðaneftir.

Ytribanki

Útsynningur 5 til 10 m/s. Fyrrapartin í morgin vestan 4 til 9 m/s. Gott sýni.

Munkagrunnur

Útsynningur 3 til 8 m/s. Seinnapartin vestan 4 til 9 m/s. Gott sýni.

Fugloyarbanki

Útsynningur 7 til 12 m/s. Gott sýni. Í nátt útsynningur 4 til 9 m/s. Seinnapartin útsynningur 7 til 12 m/s, tó á útnyrðingsleiðunum landnyrðingur 7 til 12 m/s. Toluligt ella vánaligt sýni.

Íslandsryggur

Útsynningur 7 til 12 m/s. Gott sýni. Í nátt útsynningur 5 til 10 m/s. Toluligt ella vánaligt sýni. Fyrrapartin í morgin útsynningur 7 til 12 m/s, tó á útnyrðingsleiðunum landnyrðingur 7 til 12 m/s. Seinnapartin í morgin á sunnaru leiðunum vestan 7 til 12 m/s, á norðaru leiðunum landnyrðingur 7 til 12 m/s.